КТ нәтижелерінің көрсеткіштері бірдей болған жағдайда, білім беру бағдарламалары тобының бейіні бойынша тест нәтижесінің балы жоғары тұлғаға басым құқық беріледі, одан кейін оқуға дайындығын анықтауға арналған тест нәтижесі, бұдан әрі шет тілі бойынша тест нәтижесі, одан кейін дипломға қосымшадағы (алдыңғы білім деңгейі) GPA ескеріледі.

GRE стандартталған тестін тапсыру туралы халықаралық сертификаттың балдарын ауыстыру республикалық бюджет қаражаты есебінен білім беру гранттарын беру жөніндегі конкурсқа қатысу үшін өтініш берілгеннен кейін жүзеге асырылады. Ол үшін ЖЖОКБҰ қабылдау комиссиясына сертификатты ұсыну қажет.

Магистратураға түсуші өтініште білім беру бағдарламасының тобын және үш ЖЖОКБҰ-ны көрсетеді.

Квота бойынша грант ЖООКБҰ-ға жекелеген білім беру бағдарламаларының топтары бойынша жеке түрде беріледі. Шекті балл жинаған тұлғалар жалпы конкурсқа және (немесе) ЖООКБҰ квотасы бойынша конкурсқа қатыса алады, таңдалған әр ЖЖОКБҰ үшін конкурс түрін өздері анықтайды.

Конкурсқа қатысу үшін жинау қажет:

1. ғылыми-педагогикалық магистратураға, оның ішінде шығармашылық дайындықты және араб тілін білуді талап ететін білім беру бағдарламаларының топтары бойынша – кемінде 75 балл, бұл ретте, шет тілі бойынша – кемінде 25 балл, білім беру бағдарламалары тобының бейіні бойынша: бірінші бейіндік пән бойынша – кемінде 7 балл, екінші бейіндік пән бойынша – кемінде 7 балл, оқуға дайындығын анықтауға арналған тест бойынша – кемінде 7 балл;
2. оқыту қазақ, орыс немесе ағылшын тілінде жүргізілетін бейінді магистратураға – кемінде 30 балл, бұл ретте, білім беру бағдарламалары тобының бейіні бойынша: бірінші бейіндік пән бойынша – кемінде 7 балл, екінші бейіндік пән бойынша – кемінде 7 балл.