Тест тапсырмалары қолданыстағы нормативтік құжаттар (сондай-ақ стандарттар, үлгілік бағдарламалар, тест спецификациялары, оқу-әдістемелік құралдар және т.б.) негізінде жасалады.

Тест спецификациясы-тест тапсырмаларының базасын құру жөніндегі жұмыстың құрылымы мен мазмұнын анықтайтын құжат. Тесттің спецификациясы жалпы тесттің негізгі сипаттамаларын, тест тапсырмаларының мазмұны мен формаларын және тест құрылымын қамтиды. Спецификацияда тесттің мақсаттары, міндеттері, жоспары мен құрылымы туралы ақпарат қамтылады, сондай-ақ тест материалын іріктеуге және тест тапсырмаларын әзірлеуге қойылатын негізгі талаптар көрсетіледі.